Nagapur Crime News: नागपुरातील भाजप पदाधिकारी सना खान गेल्या आठवड्यापासून बेपत्ता आहेत. नागपूर पोलीस या प्रकरणी अधिक चौकशी करत असून एकाला अटक करण्यात आलीये. अशात आता सना खान यांचे मॅरेज सर्टीफीकेट समोर आले आहे. (BJP Sana Khan Case)

मिळालेल्या माहितीनुसार, नागपूरातील भाजपच्या पदाधिकारी सना खान यांनी काही महिन्यांपूर्वी जबलपूरमधील व्यवसायिकासोबत कोर्ट मॅरेज केले होते. जबलपूरमधून तपासादरम्यान एक मॅरेज सर्टिफिकेट समोर आले असून त्यानुसार एप्रिल 2023 मध्ये सना खान आणि अमित शाहू या दोघांचे कोर्ट मॅरेज झाले होते.

दरम्यान, सना खान यांच्या भावाने या कोर्ट मॅरेज बद्दल आम्हाला माहिती नाही, असं म्हटलं आहे. मात्र, या मॅरेज सर्टिफिकेटवर साक्षीदार म्हणून ज्यांचे नाव आहे, त्याबद्दल सना खानच्या कुटुंबीयांनी संशय व्यक्त केला आहे.

या प्रकरणी सना खान यांची हत्या झाल्याचा आरोप त्यांच्या भावांनी केला आहे. तसेच सना यांचा मित्र अमित शाहूनेच त्यांची हत्या करुन मृतदेह नदीत फेकून दिला, असा आरोप भावांनी केलाय. अमित शाहू जबलपूरमधील हॉटेल व्यवसायिक आहे. जबलपूर पोलिसांनी त्याच्या नोकराला ताब्यात घेतलंय. कार धुताना मला त्यात रक्त दिसलं होतं, असं नोकराने पोलिसांना सांगितलं आहे.