समृद्धी महामार्गावर अपघाताची मालिका सुरूच आहे. गेल्या काही दिवसांपासून या महामार्गावर सतत अपघात होत आहेत. या महामार्गावर आज पुन्हा भीषण अपघाताची घटना घडली. अमरावतीमध्ये समृद्धी महामार्गावर झालेल्या भीषण अपघातामध्ये दोघांचा जागीच मृत्यू झाला. या अपघाताचा तपास अमरावती पोलिस करत आहेत.
मिळालेल्या माहितीनुसार, अमरावतीमध्ये समृद्धी महामार्गावर उभ्या टेम्पोला भरधाव ट्रकने जोरदार धडक दिली. हा अपघात इतका भीषण होता की या अपघातात टेम्पोच्या चालकासह वाहकाचा जागीच मृत्यू झाला. अमरावती जिल्ह्यातील धामणगाव रेल्वे तालुक्यातील वाढोना गावाजवळ आज सकाळी हा अपघात झाला.
अपघात इतका भीषण होता की त्यामध्ये दोन्ही ट्रक आणि टेम्पोचा चक्काचूर झाला आहे. अपघातामध्ये मृत्यू झालेल्या दोघांच्याही शरीराचे अक्षरश: तुकडे झाले. त्यांच्या शरीराचे तुकडे समृद्धी महामार्गावर इकडे तिकडे पडले होते. या अपघाताची माहिती मिळतात तळेगाव पोलिसांनी घटनास्थळी धाव घेतली आहे. उत्तरीय तपास सध्या पोलिसांकडून सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.