नवनीत तापडीया

छत्रपती संभाजीनगर : गंगापूर तालुक्यातील नेवरगाव गावात शेतीच्‍या वादारतून दोन गटात तुफान वाद झाला. या (Sambhajinagar) वादाचे रूपांतर हाणामारीत झाले. यावेळी करण्यात आलेल्या हल्ल्यात लाठ्या, काठ्या आणि हॉकी स्टिकने (Crime News) मारहाण करण्यात आली आहे. यामध्ये दोन गंभीर तर दोन किरकोळ जखमी झाले आहे. (Breaking Marathi News)

गंगापूर तालुक्‍यातील नेवरगाव गावात शेताच्या बांधावरुन आज दोन कुंटुबात वाद उद्‌भवला. या वादात कुटुंबातील सदस्‍यांनी एकमेकांवर लाठ्याकाठ्यांनी वार करायला सुरवात झाली. या वादाच्‍या दरम्‍यान मारहाण केल्यानंतर बांध फोडण्यासाठी ट्रॅक्टर लावला असता बांध फोडु नये; म्हणुन दोघे ट्रॅक्टरच्या समोर उभे राहिले. यावेळी दुसऱ्या कुटुंबाने ट्रॅक्टर अंगावर घालण्याचा प्रयत्न केला.

दोन गंभीर जखमी

तुफान मारामारीत ट्रॅक्टर अंगावर घालून जीवे मारण्याचा प्रयत्न करणाऱ्या ९ आरोपींवर विविध कलमान्वये गंगापूर पोलीस स्टेशनमध्ये गुन्हा दाखल करण्यात आला आहे. या वादात दोन जण गंभीर जखमी झाले आहेत. दोन किरकोळ जखमी आहेत. जखमींना संभाजीनगर येथील खाजगी रुग्णालयात उपचारासाठी दाखल केले आहे.