छत्रपती संभाजीनगर : हॅलो मी एमआयडीसी वाळूज पोलीस ठाण्याचा पीएसआय बोलतोय; असे सांगून एका बीए उत्तीर्ण बेरोजगाराने सात हार्डवेअर (Sambhajinagar) व्यवसायिकांना महिनाभरात अडीच लाखांना चुना लावला. पुंडलिकनगर पोलिसांनी (Police) सापळा रचून या तोतया फौजदाराच्या मुस्क्या आवळल्या आहे. (Latest Marathi News)

ज्ञानेश्वर देशमुख असे आरोपीचे नाव आहे. ट्रू कॉलर वर पीएसआय शिंदे असे नाव असलेले क्रमांकावरून तो व्यवसायिकांना फोन (Crime News) करायचा. इन्व्हर्टर, बॅटरी, कलर असे साहित्य लागत असल्याचे सांगून माणसाला पाठवतो व पैसे फोनवरून देतो, असे सांगायचा. साहित्य घेतल्यावर ना पैसे द्यायचा ना, समोरच्या व्यक्तींच्या फोनला उत्तर द्यायचा. अशा पद्धतीने शहरातील अनेक व्यापाऱ्यांना त्याने गंडा घातला.

साहित्‍य विक्री करताना सापडला

असे प्रकार करून तो साहित्‍याचे विक्री करत होता. दरम्‍यान हे साहित्य विक्री करत असताना अखेर पुंडलिकनगर पोलिसांनी सापळा रचून त्याला अटक केली आहे. त्याने अजून काही अशी फसवणूक किंवा गुन्हा केला आहे का यांचा तपास पोलीस करित आहे.