रामू ढाकणे 

छत्रपती संभाजीनगर : छत्रपती संभाजीनगर महापालिकेच्या शिक्षण विभागाकडून दरवर्षी उन्हाच्या दिवसात (Sambhajinagar) बालभारतीकडे पाठ्यपुस्तकांची मागणी केली जाते. यंदा या शैक्षणिक वर्षासाठी पालिकेने चार लाख ७२ हजार पाठ्यपुस्तकांची मागणी बालभारतीकडे केली आहे. (Breaking Marathi News)

संभाजीनगर महापालिका प्रशासक जी. श्रीकांत यांच्या संकल्पनेतून पालिकेच्या शाळांमध्ये स्मार्ट स्कूल टू बेस्ट स्कूल हा उपक्रम राबविला जात आहे. आगामी शैक्षणिक वर्षातही विविध उपक्रमांचे नियोजन केले जाणार आहे. दरम्यान शाळा (School) उघडण्याच्या पहिल्या दिवशी विद्यार्थ्यांच्या हातात पाठ्यपुस्तके मिळावी; म्हणून पालिकेच्या (Education Department) शिक्षण विभागाने ४०० शाळातील १ लाख १७ हजार ३३० विद्यार्थ्यांसाठी सुमारे ४ लाख ७२ हजार पाठ्यपुस्तकांची मागणी केली आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शैक्षणिक वर्ष संपत असताना आगामी शैक्षणिक वर्षाची तयारी महापालिकेकडून केली जात आहे. बालभारतीकडे (Balbharti) आतापासून पाठ्यपुस्तकांची मागणी करण्यात आली आहे. मे अखेरपर्यंत शहरातील सर्व मनपा व खाजगी अनुदानित शाळांना पाठ्यपुस्तके वितरण करण्याच्या प्रशासकांच्या सूचना आहेत. मात्र शाळा सुरू होण्याच्या काही दिवसांनी किंवा जूनच्या पहिल्या आठवड्यात मागणीनुसार बालभारती कडून पुरवठा प्राप्त होण्याची अपेक्षा आहे.