छत्रपती संभाजीनगर : छत्रपती संभाजीनगरमध्ये सर्रासपणे बनावट दारू बनविली जात होती. पोलिसांना माहिती मिळाल्यानंतर त्याठिकाणी कारवाई करण्यात आली असून बनावट विदेशी दारू तयार करणाऱ्या एकाला पोलिसांनी मुद्देमालासह ताब्यात घेतले आहे. निवडणुकीच्या काळात झालेली हि कारवाई मोठी मानली जात आहे. 

राज्यात होत असलेल्या विधानसभा निवडणुकीच्या (Vidhan Sabha Election) काळामध्ये दारूचा वापर मोठ्या प्रमाणात होत असतो. पण त्यात बनावट दारू अनेकांचा जीव घेऊ शकतो अशी स्थिती आहे. कारण सध्या बाजारात अनेक ठिकाणी बनावट दारू वाटप सुरू असल्याची चर्चा सुरू झाली आहे. त्यात आता छत्रपती संभाजीनगरच्या (Sambhajinagar News) गोलटगाव चौफुलीवर बनावट विदेशी मद्य तयार करणाऱ्या एकाला राज्य उत्पादन शुल्क विभागाने तैनात केलेल्या पथकाने धाड टाकत कारवाई केली आहे.

याठिकाणी दारू बनविणाऱ्या एकास ताब्यात घेतले असून त्याच्या ताब्यातून पोलिसांनी एक चारचाकीसह १२ लाख ९२ हजार रुपयांचा मुद्देमाल जप्त करण्यात आला आहे. उमेश हरिश्चंद्र वाडेकर असे या ताब्यात घेतलेल्या संशयिताचे नाव आहे. निवडणुकीच्या पार्श्वभूमीवर कारवाईसाठी राज्य उत्पादन शुल्क विभागाने ही कारवाई केली.