छत्रपती संभाजीनगर : वर्षभरापूर्वी इन्स्टाग्रामवर १८ वर्षीय तरुणासोबत सूत जुळलेल्या १२ वर्षीय मुलीने तीन दिवसांपूर्वी पुण्यातील (Pune) घरातून पळ काढत थेट वेरूळ गाठले. यानंतर ही मुलगी व तरूण पोलिसांच्‍या (Police) ताब्‍यात आहेत. (Breaking Marathi News)

पुणे येथील असलेली मुलीची ओळख वर्षभरापुर्वी तरूणासोबत इंस्‍टाग्रामवरून झाली. यानंतर दोघांमध्‍ये प्रेम जुळले. दरम्‍यान पुण्यातील खडकी येथील मुलगी सोमवारी मैत्रिणीकडे जाते असे सांगून घराबाहेर पडली. एसटी बसने तिने थेट वेरूळ गाठले. घरच्यांनी आपल्याशी संपर्क साधू नये; म्हणून तिने मोबाइलमधील (Sambhajinagar) सिमकार्ड काढून फेकून दिले. वेरूळ येथे प्रियकराकडे पोहोचताच दोघांनी वाळूज औद्योगिक परिसरातील पाटोदा येथे राहणाऱ्या मुलाच्या आत्याकडे आश्रय घेण्याचा निर्णय घेतला.

नातलगांनी पोलिस ठाण्यात आणले

मुलीच्या इन्स्टाग्राम अकाउंटवरील चॅटिंग वाचून ती छत्रपती संभाजीनगरच्या दिशेने गेल्याची खात्री पटल्याने पोलिसांसह तिचे पालक तिला घेण्यासाठी निघाले होते. दरम्‍यान पाटोदा गावातील मुलाच्या आत्याकडे मुक्कामी असणाऱ्या दोघा प्रेमीयुगुलांना नातेवाइकांनी एमआयडीसी वाळूज पोलिस ठाण्यात घेऊन नेत घडलेल्या प्रकाराची माहिती दिली.