उन्हाळ्यात अनेकजण विहिर, तलाव किंवा नदी पात्रात पोहण्यासाठी जात असतात. छत्रपती संभाजीनगरमधील चार तरुणही तलावात पोहण्यासाठी गेले होते. परंतु काळाने घाला घातला आणि चारही तरुणांचा तलवात बुडून मृत्यू झाला. या घटनेनं परिसरात शोककळा पसरली असून शोक व्यक्त होत आहे. दरम्यान या मृतांची ओळख पटली असून पोलिसांनी त्यांची नावे जाहीर केली आहेत.

मयत व्यक्तीचे नाव-

1- श्री अफान खान इस्माईल खान

वय- 17 वर्षे (अंदाजे)

2- शेख आदिल शेख मोहसीन

वय- 15 वर्षे (अंदाजे)

3- अनोळखी व्यक्ती

अग्निशामक दलाला सुरुवातीला हर्सुल तलावात तीन तरुण तलावात बुडाल्याची माहिती मिळाली होती. त्यानुसार अग्निशमन पथक तातडीने घटनास्थळी दाखल झाले. पथकाच्या मदतीने बचावकार्य करत तिघांचे मृतदेह तलावातून बाहेर काढले. दरम्यान तलावाच्या दुसऱ्या बाजूला आणखी एक तरुण बुडाल्याची माहिती मिळाल्यानंतर अग्निशामक दलाने तेथेही शोधमोहीम राबवली असता चौथ्या तरुणाचाही मृतदेह पाण्यात आढळून आला.

रविवारची सुट्टी असल्याने हे सर्व तरुण तलावात पोहण्यासाठी गेले होते , अशी प्राथमिक माहिती आहे. तलावात बुडालेल्या चौघांचेगी मृतदेह उत्तरीय तपासणीसाठी घाटी रुग्णालयात पाठवण्यात आले असून पोलिसांकडून पुढील तपास सुरू आहे. या घटनेप्रकरणी पोलिसांकडून पुढील तपास सुरू आहे. या दुर्दैवी घटनेमुळे संपूर्ण परिसरात शोककळा पसरली आहे.