छत्रपती संभाजीनगर : आम्हाला फुकट पाणीपुरी द्यायची असेल तरच इथे गाडी लावायची. असे म्हणत पाणीपुरी विक्रेत्याला शिवीगाळ करत मारहाण (Crime News) केल्याची घटना उघडकीस आली. (Live Marathi News)

छत्रपती संभाजीनगर शहरातील शहानुरवाडी भागात पुरणसिंग यादव हे आपली पाणीपुरीची गाडी चालवून कुटूंबाचा उदरनिर्वाह करत असतात. नेहमी लावत असलेल्‍या जागेवर यादव हे गाडी लावायला आले. परंतु, त्या ठिकाणी काही तरुणांनी येत आम्हाला फुकट पाणीपुरी द्यायची; तरच येथे गाडी लावायची असे म्हणत पुरणसिंग यादव यांना (Aurangabad) शिवीगाळ करून मारहाण केली.

तीन जणांविरोधात गुन्‍हा दाखल

या प्रकरणी पुरणसिंग यादव यांच्या फिर्यादीवरून तिघांविरोधात उस्मानपुरा पोलीस ठाण्यात गुन्हा दाखल करण्यात आला. सय्यद शहजाद सय्यद अल्लू, शेख अन्सार शेख सत्तार, शेख शाहरुख शेख वाहिद अशी मारहाण करणाऱ्यांची नावे आहेत.