विनाेद जिरे / सचिन बनसाेडे

Maratha Reservation : मराठा आरक्षणाचा लढा आता अधिक तीव्र होताना पाहायला मिळतोय. सकल मराठा समाजाच्या वतीने बीड जिल्ह्यातील माजलगाव आणि वडवणी तालुक्यात तसेच नगर जिल्ह्यातील शिर्डी शहरासह राहाता तालुक्यात आज (साेमवार) कडकडीत बंद पाळण्यात येतोय. (Maharashtra News)

मनोज जरांगे पाटील (manoj jarange patil) यांच्या समर्थनार्थ सकल मराठा समाजाकडून आज शिर्डी बंदची हाक देण्यात आली आहे. शिर्डी शहरासह राहाता तालुक्यात आज कडकडीत बंद पाळण्यात आला आहे. देशभरातून येणाऱ्या साईभक्तांची गैरसोय टाळण्यासाठी मंदिरातील दर्शन व्यवस्था आणि साईसंस्थांशी संबंधित आस्थापना मात्र नियमितपणे सुरू ठेवण्यात आल्यात.

दरम्यान आज मंत्रिमंडळ उपसमितीची बैठक आहे. यामध्ये काहीतरी मार्ग निघेल अशी अपेक्षा महसूलमंत्री राधाकृष्ण विखे पाटील यांनी व्यक्त केली आहे. दूसरीकडे बीडमधून आरक्षणाच्या आंदोलनाला हिंसक वळण लागल्यानंतर आता सकल मराठा समाजाच्या वतीने बीड जिल्ह्यातील माजलगाव आणि वडवणी तालुका बंदची हाक देण्यात आली आहे. आज माजलगाव आणि वडवणी शहरासह तालुक्यात देखील बंद पाळण्यात आला आहे.

Edited By : Siddharth Latkar