भाजपचे सिद्धार्थ शिरोळे यांनी भाजपच्या तिकिटावर शिवाजीनगर विधानसभा मतदारसंघाचा गड लढवला आहे. त्यांच्या विरोधात कॉंग्रेसचे दत्तात्रय बहिरट हे निवडणुकीच्या रिंगणात आहेत. याठिकाणी सिद्धार्थ शिरोळे यांना यश मिळण्याची शक्यता आहे. सकाळ एक्झिट पोलच्या संभाव्य आकडेवारीनुसार शिवाजीनगर मतदारसंघात सिद्धार्थ शिरोळे यांना संभाव्य आमदार म्हणून पसंती मिळत आहे.

पुण्यातील शिवाजीनगर मतदारसंघात भाजप विरुद्ध कॉंग्रेस असा पारंपरिक सामना रंगताना दिसला आहे. कॉंग्रेसचे दत्तात्रय बहिरट विरुद्ध भाजपचे विद्यमान आमदार सिद्धार्थ शिरोळे अशी ही लढत झाली. या अतिटतीच्या लढतीत सिद्धार्थ शिरोळे हे पुन्हा एकदा बाजी मारतील अशी शक्यता आहे.

सिद्धार्थ शिरोळे यांच्या संभाव्य विजयात कॉंग्रेसचे बंडखोर मनीष यानंद यांचा महत्वाचा वाटा असेल. त्यांनी केलेल्या बंडखोरीचा फायदा भाजपच्या पथ्यावर पडणार आहे. त्याचबरोबर सिद्धार्थ शिरोळे यांची उच्च शिक्षित असल्याची प्रतिमा त्यांना कामी येणार आहे. तर दुसरीकडे भाजपच असलेलं संघटनात्मक पाठबळ देखील त्यांच्या विजयात त्यांना कामी येणार आहे.