विनोद जिरे, बीड

महाराष्ट्र राज्य विधानसभा निवडणुकीत बीड मतदारसंघाकडे सर्वांचेच लक्ष लागले आहे. मतदान घेण्यात आले आहे. आता निकालाकडे लक्ष आहे. शरद पवार गटाकडून संदीप क्षीरसागर आणि अजित पवार गटाकडून योगेश क्षीरसागर हे निवडणूक रिंगणात आहेत.

बीड मतदारसंघात एकीकडे काका शऱद पवार आणि पुतणे अजित पवार यांची प्रतिष्ठा पणाला लागली आहे, तर दुसरीकडे उमेदवार म्हणून भावाभावांमध्ये चढाओढ लागली आहे. सामच्या एक्झिट पोलनुसार, बीडमध्ये योगेश क्षीरसागर यांचे पारडे जड मानले जात आहे. ते संभाव्य आमदार असू शकतात, असा अंदाज आहे.

योगेश क्षीरसागर हे बाजी मारतील अशी शक्यता वर्तवण्यात येत आहे. एकूणच पाहिलं तर राजकीय वातावरण आहे. समीकरण पाहिलं तर, काट्याची टक्कर असली तरी, योगेश क्षीरसागर यांची बाजू भक्कम आहे. आता हा एक्झिट पोलचा अंदाज आहे. प्रत्यक्ष निकाल २३ तारखेलाच लागेल. तेव्हाच नेमका गुलाल कोण उधळणार हे स्पष्ट होईल.