हा व्हिडीओ नीट पाहा... महिलांवर अत्याचार करणारा भोंदू कॅप्टन अशोक खरात.... याच विकृत खरातच्या डोक्यावर छत्री धरणं असो वा त्याचे पाय धुणं... याच कारणामुळे तत्कालिन महिला आयोगाच्या अध्यक्षा रुपाली चाकणकरांनी राजीनामा द्यावा लागला... मात्र राजीनाम्यानंतरही चाकणकरांच्या अडचणी थांबण्याचं नाव घेत नाहीत... आता महिला आयोगाच्या अध्यक्षपदाचा राजीनामा दिल्यानंतर चाकणकरांना अटक करण्याच्या मागणीनं जोर धरलाय..

एका बाजूला अटकेची मागणी होत असताना दुसरीकडे ठाकरेसेनेचे नेते अंबादास दानवेंनी चाकणकरांची महिला प्रदेशाध्यक्षपदावरुनही हकालपट्टी करण्याची मागणी केलीय...तर चाकणकरांच्या राजीनाम्यासंदर्भात सुनेत्रा पवार निर्णय घेतील, अशी भूमिका मंत्री छगन भुजबळांनी मांडलीय.. विकृत मानसिकतेच्या व्यक्तीला गुरु मानलं आणि त्याचे पाय धुतल्याने चाकणकरांना महिला आयोगाच्या अध्यक्षपदावर पाणी सोडावं लागलं... आता या प्रकरणी चाकणकरांच्या संपत्तीची चौकशी कऱण्याची मागणी अंधारेंनी केलीय...

आता एसआयटीच्या प्रमुख तेजस्वीनी सातपुते या प्रकरणात सखोल चौकशी करण्यासाठी रुपाली चाकणकरांना ताब्यात घेणार का? आणि अधिवेशनाच्या तोंडावर विरोधकांच्या हाती कोलित मिळू नये म्हणून चाकणकरांना अटक होणार का? याकडे राज्याचं लक्ष लागलंय..