दिवा : दिवा आगासन रोडवर एका निष्पाप तरूणाचा खड्ड्यांमुळे जीव गेला. यांच्या निषेधार्थ मंगळवारी रिपब्लिकन पक्षाच्या वतीने दिवा (Diva) प्रभाग समितीच्या समोर मुंडन आंदोलन करण्यात आले आहे. रिपब्लिकन पक्षाचे विद्यार्थी आघाडी अध्यक्ष सौरव आढांगळे यांनी मुंडन करून ठाणे महानगरपालिकेचा निषेध केला आहे. वाढत्या अपघाताच्या घटना आणि मनपा प्रशासनाचे दुर्लक्ष यांमुळे दिव्यात आता भाजपा आणि मनसे सोबत रिपब्लिकन पार्टी देखील रस्त्यावर उतरली आहे.

दिवा आगासन रोड वरील खड्डा चुकवत असताना एका तरुणाला रविवारी आपले जीव गमवावे लागले आहे. मात्र या तरुणाच्या जीवावर बेतलेले खड्डे हे मनपा प्रशासनाच्या अधिकाऱ्यांच्यामुळे निर्माण झाले आहेत. याच विरोधात भाजपाने मुंब्रा पोलीस ठाण्यात सदोष मनुष्यवधाचा गुन्हा दाखल करण्याची मागणी केली होती. तर मनसेचे अभियंत्याच्या निलंबनाची मागणी केली असताना आता दिव्यात आरपीआय देखील आक्रमक झाली आहे. आरपीआयच्या दिवा प्रभाग समिती कार्यालयासमोर मुंडन आंदोलन करत महापालिका प्रशासनाचा निषेध व्यक्त केला आहे.

अनिकेत पाटील युवक आघाडी अध्यक्ष दिवा विभाग यांच्या नेतृत्वात हे आंदोलन करण्यात आले होते. अनिकेत पाटील यांनी ठाणे महानगरपालिकेला इशारा दिला कि गणेश पाले यांचे कुटुंबाला न्याय मिळाला नाही तर याचे पुढील आंदोलन उग्र स्स्वरूपाचे असेल असा इशारा दिला आहे. मृत गणेश फाले यांचे कुटुंबातील एका सदस्याला सरकारी नोकरी मिळावी वमुख्यमंत्र्यांनी १० लाखाची मदत त्याच्या कुटुंबाला करावी, अशी मागणी मंगळवारी रिपब्लिकन पक्षाचे वतीने ठाणे जिल्हा अध्यक्ष भास्कर वाघमारे यांनी केली आहे.

Edited By - Vishal Gangurde