सातारा : सातारा (Satara) जिल्ह्यातील सर्वात जास्त पावसाची (rain) नोंद होणारे ठिकाण म्हणून ज्या भागाची ओळख आहे त्या नवजा येथे रस्त्याच्या मध्यभागी मोठे भगदाड पडले आहे. यामुळे नवजा रस्त्यावरुन जाणा-या वाहनधाकरांना धोकादायक रित्या प्रवास (travel) करावा लागत आहे. (nawaja waterfall latest news)

कोयना भागात गेल्या १५ दिवसांपासून पाऊस कमी जास्त प्रमाणात सुरूच आहे. नवजा हे ठिकाण सातारा जिल्ह्यातील सर्वात जास्त पावसाचे ठिकाण म्हणुन ओळखले जाते. आतापर्यंत या ठिकाणी २६३२ मिली मीटर पावासाची नोंद झाली आहे.

आता याच परिसरात ओझर्डे धबधब्याजवळच (ozarde waterfall) नवजा रस्त्यास मोठे भगदाड पडले आहे. नवजा रस्त्यास भगदाड पडल्याने नागरिकांत भीतीचे वातावरण निर्माण झाले आहे. या भगदाडामुळे वाहतुकीसाठी हा रस्ता धोकादायक बनला आहे. या रस्त्यावर पर्यटकांची वर्दळ असते त्यामुळे प्रशासनाने तातडीने हालचाली करुन रस्ता दुरुस्त करणे आवश्यक बनलं आहे.

Edited By : Siddharth Latkar