विनोद जिरे

बीड - बीडच्या परळी तालुक्यातील कण्हेरवाडी येथील ग्रामस्थ, राख प्रदूषण आणि वाहतूकी विरोधात आक्रमक झाले आहेत. दाऊतपूर शिवारातून केली जाणारी राख वाहतूक बंद करावी ही मागणी घेऊन कण्हेरवाडी ग्रामस्थांनी परळी-अंबाजोगाई महामार्ग आडवत तब्बल दोन तास रस्ता रोको केला होता. Road Block Agitation of Kanherwadi villagers of Beed against ash transport

हे देखील पहा -

परळीच्या दाऊतपुर शिवारातून औष्णिक विद्युत केंद्रातील, हजारो टन राख अवैधरित्या वाहतूक केली जाते. याकडे आरटीओ, पोलीस प्रशासन व तहसिल प्रशासनाने जाणीवपूर्वक दुर्लक्ष केल्यामुळे, परळी परिसरातील नागरिकांचे आरोग्य धोक्यात आले आहे. तसेच अपघाताचे प्रमाणही वाढले आहे. यामुळे या अवैध राख वाहतुकी विरोधात परळी-अंबाजोगाई मार्गावर कण्हेरवाडी ग्रामस्थांनी दोन तास रास्ता रोको केला.

जर आठ दिवसात अवैध राख वाहतूक करणारी वाहने बंद केले नाही, तर समस्त गावकऱ्यांच्या वतीने वाहने अडवून वाहनांचे नुकसान केले जाईल आणि या वाहनांमधील राख प्रशासनाच्या दारात आणून टाकण्यात येईल, असा इशारा माणिक फड यांनी दिला आहे. दरम्यान यावेळी परळी-अंबाजोगाई या महामार्गावरील वाहतुक खोळंबली होती.

Edited By : Krushnarav Sathe