मुंबई : म्हाडाच्या (Mhada) परीक्षा देणाऱ्या विद्यार्थ्यांनो तुमचा अधिकार, तुमच्या बुद्धीचा सन्मान करत पैशाने तो मारला जाईल असं मी कधीच होऊ देणार नाही. असा विश्वास राज्याचे गृहनिर्माण मंत्री जितेंद्र आव्हाड (Jitendra Avhad) यांनी म्हाडा नोकरभरती (recruitment) च्या उमेदवारांना दिला आहे. यासंदर्भात बोलताना आव्हाड म्हणाले, म्हाडा मध्ये नोकरी लावून देतो या आमिषाने विद्यार्थ्यांची फसवणूक केली जात आहे.

हे देखील पहा :

माझ्याकडे आलेल्या तक्रारीमध्ये काही जणांनी आपली जमीन विकली आहे. काही जणांनी आपल्या घरातले दागिने विकले आहेत. काही जणांनी कर्ज काढले आहेत. असे करून त्यांनी पैसे दलालांना दिले आहेत. माझी या दलालांना नम्र विनंती आहे कि हे पैसे त्यांनी संबंधित उमेदवारांना परत करावेत.

पैसे घेऊन तुम्ही त्यांच काम करू शकणार नाही आणि मी ते होऊ देणार नाही. पण, नोकरीसाठी ज्यांनी आपल्या आईचे मंगळसूत्र गहाण ठेवले आहे, आपली शेती गहाण ठेवली आहे. असे पैसे घेऊन तुमची मूल-बाळ कधीच सुखी होऊ शकणार नाहीत. गरिबांचे शाप घेऊ नका कृपया म्हाडाची नोकरी लावण्यासाठी ज्यांनी ज्यांनी पैसे घेतलेत त्यांनी उद्या रात्रीपर्यंत ते पैसे परत करावेत. कारण तुमच्या पैशाने हे काम होईल हा जरी तुम्हांला कोणी विश्वास दिला असेल तर ते कदापि शक्य नाही. असा इशारा जितेंद्र आव्हाड यांनी दिला आहे.

Edited By : Krushnarav Sathe