सोलापूर : ओमायक्रॉन व्हायरसच्या संकटावर सोलापूर जिल्हा प्रशासनाने कडक पावले उचलली आहेत. जिल्ह्यातील सर्व सार्वजनिक कार्यक्रमांवर कडक बंधने घालण्यात आली आहेत. जिल्ह्यात अद्याप 10 लाख लोकांचे लसीकरण बाकी असून लस घेणाऱ्या नागरिकांनाच शासकीय कार्यालयात प्रवेश देण्यात येणार असल्याची माहिती मुख्य कार्यकारी अधिकारी दिलीप स्वामी यांनी दिली आहे. देशासमोर नव्याने उभे ठाकलेल्या ओमायक्रॉन व्हायरसच्या अनुषंगाने जिल्हा प्रशासनाने बैठक घेऊन कडक निर्बंधाचा निर्णय घेतला आहे.

जिल्हातील सर्व कार्यक्रमांला निर्बंध घालून दिले आहेत. दोन्ही लसीकरण पूर्ण करणाऱ्या नागरिकांनाच सरकारी कार्यालयात प्रवेश देण्यात येणार आहे. अशी माहिती जिल्हा परिषदेचे मुख्य कार्यकारी अधिकारी दिलीप स्वामी यांनी दिली आहे. दक्षिण आफ्रिकेत सध्या ओमायक्रॉन व्हायरस थैमान घालतोय. तो व्हायरस जलद पसरणारा आहे, त्यामुळे संपुर्ण जगाची चिंता वाढली आहे. देशाबरोबरच राज्यात देखील निर्बंध लावायला सुरुवात केली आहे. राज्य सरकारने काही भागात लेवल ३ तर काही भागात लेवल ४ चे निर्बंध लावले आहेत. तसेच कोरोना नियमांचे काटेकोरपणे पालन करण्याचं आवाहनही सरकारच्यावतीने करण्यात आलं आहे. विमान प्रवासाच्या आधी 48 तास RTPCR बंधनकाराक असल्याची माहिती आरोग्यमंत्री राजेश टोपेंनी दिली आहे.

Edited By: Pravin Dhamale