Solapur Tuljapur Highway News : जमीन भुसंपादनाचा योग्य मोबदला न मिळाल्याने शेतकरी रस्त्यावर उतरला असून शेतक-यांना सोलापूर - तुळजापूर महामार्गावर रास्ता रोको आंदाेनल छेडलं आहे. परिणामी सोलापूर - तुळजापूर महामार्गावरील दाेन्हीकडील वाहतुक ठप्प झाली. (Maharashtra News)

सुरत - चेन्नई ग्रीन फिल्ड हायवे (surat chennai greenfield highway) आणि सोलापूर रिंगरोडच्या (solapur ringroad) भुसंपादनाचा योग्य मोबदला मिळत नसल्याने शेतकऱ्यांनी आज (साेमवार) रयत क्रांती संघटनासमवेत सोलापूर - तुळजापूर महामार्गावर रास्ता रोको आंदोलन सुरु केले आहे. या आंदाेलनात सोलापूर जिल्ह्यातील बार्शी, अक्कलकोट, दक्षिण सोलापूर तालुक्यातील शेतकरी बांधव सहभागी झाले आहेत.

सोलापूर जिल्ह्यातील बार्शी, अक्कलकोट, दक्षिण सोलापूर तालुक्यातील शेतकरी बांधवांच्या जमिनी या भुसंपादनात जाणार आहेत. त्यामुळे सध्या शासनाकडून जो मोबदला दिला जातं आहे त्याच्या चार पटीने मोबदला द्यावी अशी मागणी शेतकरी करत आहेत. या आंदाेलनात महिलांसह छाेटी मुले देखील सहभागी झाले आहेत.

आंदाेलकांनी रुग्णवाहिकेस दिली वाट

शेतकऱ्यांच्या या रस्ता रोकोमुळे महामार्गावरील वाहतूक पुर्णत: खोळंबली. दरम्यान हे आंदाेलन सुरु असताना महामार्गावर एक रुग्णवाहिका आली. त्यावेळी आंदोलनकर्त्यांनी ॲम्बुलन्सला लगेचच वाट माेकळी करुन दिली. यामुळे आंदोलकांची संवेदनशीलता दिसून आली.

Edited By : Siddharth Latkar