Mumbai News: माजी मुख्यमंत्री उद्धव ठाकरे यांच्या अडचणीत दिवसेंदिवस वाढ होताना दिसत आहे. एकापाठोपाठ पक्षातील शिलेदार शिंदे गटात जात आहेत. यादरम्यान, अलिबागमधील असलेल्या १९ बेकायदा बंगल्याप्रकरणी उपमुख्यमंत्री देवेंद्र फडणवीस यांनी मोठी अपडेट समोर आली आहे. (Latest Marathi News)

भाजपचे जेष्ठ नेते आणि माजी खासदार किरीट सोमय्या यांनी उद्धव ठाकरे यांच्या पत्नी रश्मी ठाकरे यांच्यावर अलिबागच्या उद्धव ठाकरे यांच्या पत्नीव अलिबागच्या जंगलात १९ बंगले बांधल्याचा आरोप केला होता.

दरम्यान, देवेंद्र फडणवीस यांनी रिपब्लिक भारत या वृत्तवाहिनीला मुलाखतील या प्रकरणावर मोठं भाष्य केलं आहे. फडणवीस म्हणाले, 'अलिबागच्या जंगलात १९ बंगले बांधल्याप्रकरणी तक्रार दाखल झाली असून लवकरच चार्जशीट दाखल होणार आहे'.

बेकायदा बंगल्याप्रकरणी रश्मी ठाकरे यांची चौकशी होत नाही, या प्रश्नावर देवेंद्र फडणवीस म्हणाले, 'रश्मी ठाकरेंची आवश्यकता नाही. तसेच चौकशी कुणाची करावी आणि कुणाची नाही हे सरकार ठरवत नाही. चौकशीबाबत पोलीस ठरवतात'.

फडणवीस पुढे म्हणाले, 'अलिबागमधील असलेल्या १९ बेकायदा बंगल्याप्रकरणात सरकार हस्तक्षेप करत नाही. ज्याप्रकारे उद्धव ठाकरे हस्तक्षेप करत होते. आम्ही हस्तक्षेप केला तर व्यवस्था ही व्यवस्थित चालणार नाही. पोलिसांना ज्याची चौकशी करायची आहे, ते पोलीस करतील. जो चुकीचा असेल त्याच्यावर कारवाई होणार'.

अभिनेता सुशांत सिंह राजपूत आणि दिशा सालियान मृत्यू प्रकरणावर देखील देवेंद्र फडणवीस यांनी मोठं वक्तव्य केलं. फडणवीस म्हणाले, 'सुशांत आणि दिशाच्या मृत्यूप्रकरणी सीबीआयकडून पुरावे गोळा करण्याचं काम जलद गतीने सुरू आहे. सर्व पुरावे जमा झाल्यावर सदर प्रकरण समोर आणणार आहे. मिळालेल्या सर्व पुराव्याच्या आधारावर तपासणी सुरू आहे. या पुराव्यात काही तथ्य आढळले तर त्यानुसारत कारवाई केली जाणार आहे'.