मावळ : व्याजाच्या बदल्यात महिलेकडे शरीर सुखाची मागणी करून तसेच पिस्तुलाचा धाक दाखवत तिच्यावर लैंगिक अत्याचार करून त्याचे मोबाईल मध्ये चित्रीकरण करून महिलेला ब्लॅकमेल केल्याचा धक्कादायक प्रकार मावळमध्ये उघडकीस आला आहे. या प्रकरणी दोघांना अटक करण्यात आली आहे.

हे देखील पहा -

आरोपींनी मार्च ते 8 ऑगस्ट 2019 या कालावधीत, दिल्ली, पठाणकोट, अमृतसर व सुरत येथे नेऊन या पिडीतेवर अत्याचार केला आहे. किरण रंभाजी घारे, दिपक रामचंद्र ओसवाल अशी अटक केलेल्या आरोपींची नावे आहेत. पिडीत महिलेने मावळ मधील तळेगाव दाभाडे पोलीस ठाण्यात फिर्याद दिली आहे.

आरोपी किरण घारे हा गुंड प्रवृतीचा असून त्याच्यावर अनेक गुन्हे विविध पोलीस ठाण्यात दाखल आहे. मात्र, आरोपी फिर्यादीच्या परिस्थितीचा फायदा घेईल हे माहीत असतानाही त्याची चांगली व्यक्ती म्हणून आरोपी ओसवाल याने या महिलेशी ओळख करून दिली. त्यातून आरोपी ओसवाल याने या महिलेची फसवणूक केल्याचे फिर्यादीत म्हटले आहे. 

अवैध सावकारी Illegal lending ही समाजात फोफावलेली कीड आहे आणि लोकांच्या मजबुरीचा फायदा घेणारे अनेक सावकार उजळ माथ्याने समाजात फिरतात. एखादीच पीडित महिला अत्याचार सहन होत नसल्याने पोलिसांत धाव घेते. पोलीस प्रशासनाने देखील अश्या लोकांना कायद्याचा धाक दाखवणे गरजेचं आहे, तेव्हाच कुठे तरी गुन्हे कमी होण्यास मदत होईल.

Edited By : Krushnarav Sathe