निलंबित पोलीस अधिकारी रणजित कासले. वाल्मिक कराडच्या एन्काऊंटरसाठी आपल्याला ऑफर देण्यात आल्याचा दावा कासलेनं केला होता.. कासलेच्या दाव्यानं राजकीय वर्तुळात खळबळ उडाली. राऊतांनी कासलेनं मुंडेंबाबत केलेल्या दाव्याच्या चौकशीची मागणी केली. मात्र याच मस्तवाल कासलेनं प्रशासनालाच खुलं आव्हानं दिलं होतं...

कासलेनं कराडच्या एन्काऊंटरची ऑफर दिल्याचा दावा केला होता..एवढचं नव्हे तर पोलीस डायरीत एन्काऊंटरची नोंद केल्याचंही कासलेनं सांगितलं. कासलेनं थेट मुंडेंचं नाव घेतलं असलं तरी मुंडेंनी याबाबत मौन बाळगलंय.. एकीकडे पोलीस यंत्रणेला आव्हान देणारा कासले आता लवकरच शरण येण्याचा दावा करतोय.

मात्र कासलेंनी केलेल्या दाव्यामागे कोणाचा दबाव होता? कासलेचा आका कोण आणि कासलेनं केलेल्या दाव्यात खरंच तथ्य आहे का ? कासलेनं नोंद केलेल्या पोलिस डायरीचं काय झालं? आणि ज्या धनंजय मुंडेंचं नाव कासलेनं घेतलं त्यांच्यावर कारवाई होणार का? याची उत्तर कासले पोलिसांना शरण आल्यावर तरी मिळणार का की बीड फाईल्सच्या गठ्ठ्यात कासले प्रकरणही दबलं जाणार हेच पाहायचं...