मुजोर अमराठी व्यापाऱ्य़ाविरोधात मिरा- भाईंदरमध्ये निघालेला हा विराट मोर्चा सत्ताधाऱ्यांसह मराठीदेष्ट्यांची धडकी भरवणारा ठरला होता. याचं मोर्चातं मराठी माणसाच्या एकजूटीनं परप्रांतीयांच्या मुजोरपणाला चपराक दिली होती.आता त्याच ठिकाणी राज ठाकरेंची सभा होणार आहे... वाघ येतोय... असं म्हणत राज ठाकरेंच्या कार्यकर्त्यांनी सभेची जोरदार तयारी सुरु केलीय...

मिरा- भाईंदर महापालिकेचं 'राजकारण'

भाजप- 66 नगरसेवक

शिवसेना (एकत्रित)- 22 नगरसेवक

काँग्रेस- 10 नगरसेवक

मनसे- 0

राष्ट्रवादी - 0

मिरा- भाईंदर महापालिकेत 2017 ला मनसेचा एकही नगरसेवक निवडून आला नव्हता. त्यात येत्या निवडणूकीत मराठी मोर्चानंतर मनसेला भोपळा फोडता येईल का? यासाठी मनसे कार्यकर्त्यांनी वॉर्डनिहाय बांधणी सुरु केलीय. मनसे आणि उद्धव ठाकरेंच्या शिवसेनेनं एकत्र येण्याचा निर्णय़ घेतला तर मराठी मतं ठाकरे बंधूंच्या पक्षाकडे वळतील. त्यामुळे भाजपची महापालिका निवडणुकीत कोंडी होण्याची शक्यता आहे. मराठी विजयी मेळाव्यानंतर राज ठाकरेंची ही पहिलीच सभा असल्यानं या सभेतून पालिका निवडणुकीसंदर्भातले कोणते आदेश कार्यकर्त्यांना देतात,याकडे मनसैनिकांचं लक्ष लागलयं.