जेनझी आंदोलनामुळे भाजपवर टीकेची झोड उठवणाऱ्या मनसे अध्यक्ष राज ठाकरेंच्या भेटीनं सर्वांचं लक्ष वेधलंय. सकाळीच मनसे अध्यक्ष राज ठाकरे मुख्यमंत्र्यांच्या भेटीसाठी वर्षा निवासस्थानी दाखल झाले. राज ठाकरे आणि देवेंद्र फडणवीस यांच्यात बंद दाराआड चर्चा झाली. महत्त्वाचं म्हणजे, कोकणातील रस्ते, तसंच शिवाजी पार्क मैदानासंदर्भात दोन्ही नेत्यांमध्ये चर्चा झाल्याचं मनसे नेते संदीप देशपांडेंनी सांगितलंय.

तर दुसरीकडे, राज ठाकरे आणि मुख्यमंत्री फडणवीस यांच्या भेटीमुळे ठाकरेसेनेत अस्वस्थता निर्माण झाल्याचं बोललं जातंय. मात्र राऊतांनी या भेटीवरून फडणवीसांना टोला लगावलाय.

राज्यात सध्या खड्डे, शिक्षण, उद्योगांसह अनेक गंभीर विषयांवरून राजकारण पेटलंय. आता राज ठाकरेंनी घेतलेल्या भेटीनंतर या विषयांवर मुख्यमंत्री काय भूमिका मांडतात याकडे सर्वांचं लक्ष लागलंय.