आगामी स्थानिक स्वराज्य संस्था निवडणुकीच्या तोंडावर ठाकरे बंधूंच्या युतीची औपचारिकता बाकी आहे... त्या पार्श्वभुमीवर राज ठाकरे 19 ऑक्टोबरला राजकीय बॉम्ब फोडण्याची शक्यता आहे... कारण राज ठाकरेंनी तातडीने बुथप्रमुख, गटाध्यक्षांसह पदाधिकाऱ्यांचा मेळावा गोरेगावच्या नेस्को सेंटरला आयोजित केलाय....

खरंतर मराठीच्या विजयी मेळाव्यात राज ठाकरे आणि उद्धव ठाकरेंनी एकीचा नारा दिलाय.. त्यानंतर ठाकरे बंधूंच्या भेटीगाठीही वाढल्या .तीन महिन्यात राज ठाकरे आणि उद्धव ठाकरेंच्या तब्बल 8 वेळा भेटी झाल्या. तर मतदारयाद्यातील घोळासंदर्भात निवडणूक अधिकाऱ्यांच्या भेटीसाठी राज ठाकरे आणि उद्धव ठाकरे एकाच गाडीतून प्रवास करताना दिसले.... एवढंच नव्हे तर मतदारयाद्या दुरुस्त झाल्या नाही तर निवडणुका नको, अशी एका सुरात मागणी दोन्ही बंधूंनी केली.. तर पुढची भूमिका 2-3 दिवसांत जाहीर करणार असल्याचं राज ठाकरेंनी म्हटलंय...

त्यामुळे 19 ऑक्टोबरच्या मेळाव्यात राज ठाकरे मतदारयाद्यातील घोळावरुन पदाधिकाऱ्यांना सूचना देत निवडणूक आयोगावर हल्लाबोल करणार की महापालिकेसाठी ठाकरे बंधूंच्या युतीची घोषणा करणार? याकडे राज्याचं लक्ष लागलंय..