आयपीएस अधिकारी विश्वास नांगरे पाटील यांनी एका हिंदू संमेलनात राष्ट्रीय स्वयंसेवक संघ आणि त्याच्या संस्थापकांविषयी केलेल्या वक्तव्यावर राज ठाकरे यांनी आक्षेप नोंदवला आहे. पोलीस अधिकाऱ्यांची निष्ठा केवळ पोलीस दल आणि संविधानिक कर्तव्यांशी असावी, असे मत त्यांनी व्यक्त केले.

सरकारी सेवेत असताना कोणत्याही विशिष्ट संघटना किंवा राजकीय विचारसरणीची जाहीर बाजू घेणे निष्पक्षतेला बाधक ठरते, असा आरोपही त्यांनी केला. अशा प्रकारची भूमिका मांडायची असल्यास सेवेचा राजीनामा देऊन राजकारणात प्रवेश करावा, असेही त्यांनी सुचवले. सरकारने या प्रकरणात स्पष्ट भूमिका घ्यावी आणि सर्वांसाठी समान निकष लागू करावेत, अशी मागणी राज ठाकरे यांनी केली आहे.