जालना: हवामान खात्याने (Meteorological Department) वर्तविलेल्या अंदाजाप्रमाणे आज जिल्ह्यात बहुतांश भागात पावसाने (Monsoon) मुसळधार हजेरी लावली. जिल्ह्यात आज तिर्थपुरी मंडळात सर्वात जास्त 121.3 मिलिमीटर पावसाची नोंद झाली. त्यामुळे या मुसळधार पावसाचा मोठा फटका उभ्या पिकांना (Farms) बसल्याचे दिसत आहे.

हे देखील पहा-

आज सकाळी नऊच्या सुमारास औरंगाबाद जिल्ह्यात व जालना जिल्ह्यातील अंबड तालुक्यात ढग फुटीदृश्य पाऊस झाला. मुसळधार पावसामुळे अंबड आणि जालना तालुक्यातील गोलापांगरी परिसरातून वाहणाऱ्या दुधना नदीला पूर आला आहे. तिर्थपुरी मंडळात 121.3 मिलिमीटर पावसाची नोंद करण्यात आली आहे.

पुरामुळे दुधना नदी पात्रावर असलेला कोल्हापुरी बंधारा खळखळून वाहू लागला आहे. या पुराचे पाणी नदी काठच्या अनेक शेतात शिरल्याने कापूस, तूर, मूग, सोयाबीन, ऊस, मोसंबी या पिकांना पुराच्या पाण्याचा मोठा फटका बसलाय. अनेक ठिकाणी जमीन खरडुन गेल्याने शेतकऱ्याचे मोठे नुकसान झाले आहे. पावसाने जरी उघडीप दिली असली तरी मठपिंपळगाव शिवारातील पार नदी ओसंडून वाहू लागली आहे.

Edited By - Anuradha