Solapur News : सोलापूर रेल्वे (solapur railway) विभागात चार दिवसाचा ट्राफिक ब्लॉक असणार आहे. त्यामुळे अनेक एक्सप्रेस रद्द करण्यात आलेल्या आहेत. तर अनेक एक्सप्रेसचे मार्ग बदलण्यात आले आहेत. त्यामुळे सोलापूर विभागातून प्रवास करणाऱ्या रेल्वे प्रवाशांची (rail passengers) गैरसोय होणार आहे. (Breaking Marathi News)

सोलापूर विभागातील बेलापुर, चितळी आणि पुंतांबा स्टेशन,  दौंड- मानमाड सेक्शन दरम्यान नॉन इंटरलॉक, दुहेरीकरण NI ब्लॉक काम सुरू आहे. त्यामुळे सोलापूर विभागातून धावणाऱ्या अनेक गाड्या रद्द करण्यात आल्या आहेत.

काही गाड्यांचे मार्ग बदलण्यात आले आहे. चार दिवस ट्राफिक ब्लॉक चालू असल्यामुळे रेल्वे गाड्यांचे वेळापत्रक बदलण्यात आले आहे. काही गाड्या रद्द देखील करण्यात आल्या आहेत. आजपासून (ता. 25 मार्च) 30 मार्चपर्यंत सोलापूर विभागातून धावणाऱ्या गाड्यांची वेळापत्रक बदलण्यात आले आहे.

दौंड निजामाबाद एक्सप्रेस, निजामाबाद पुणे एक्सप्रेस, नांदेड पुणे एक्सप्रेस, हडपसर नांदेड एक्सप्रेस, कोल्हापूर गोंदिया एक्सप्रेस, नागपूर पुणे या गाड्या रद्द करण्यात आले आहे. याची प्रवाशांनी नाेंद घ्यावी असे आवाहन रेल्वे विभागाने केले आहे.

दरम्यान बेंगलोर न्यू दिल्ली सुपरफास्ट, एक्सप्रेस हावडा पुणे सुपरफास्ट एक्सप्रेस, पुणे वाराणसी एक्सप्रेस, यशवंतपुर हजरत निजामुद्दीन एक्सप्रेस या गाड्यांचे मार्ग बदलण्यात आले आहे. तर इतर रेल्वे (एक्सप्रेसच्या) गाड्या हा परावर्तित करण्यात आल्यात आहेत.

Edited By : Siddharth Latkar