सचिन कदम

रायगड : मुंबई– पुणे एक्स्प्रेस वेवर खाजगी बसला ट्रकने मागून जोरदार धडक दिली. या झालेल्या अपघातात बसमधील चार प्रवासी जखमी झाले आहेत. सुदैवाने यात जीवितहानी झालेली नाही. (Latest Marathi News)

मुंबई– पुणे एक्स्प्रेस वेवर खोपोलीजवळील बोरघाटात अमृतांजन पुलाजवळ मुंबई लेनवर हा अपघात झाला. आज पहाटेच्‍या सुमारास घाटातून जात असलेल्‍या बसला मागून येत असलेल्‍या ट्रकने जोरदार धडक दिली. या धडकेमुळे जोरदार आवाज झाला. यामुळे बसमधील प्रवाशी घाबरले होते. पहाटेची वेळ असल्‍याने बसमधील अनेक प्रवाशी झोपलेले होते.

मागील प्रवाशी जखमी

ट्रकने मागून धडक दिल्‍याने बसमध्‍ये मागच्‍या बाजूला बसलेले चार प्रवाशी जखमी झाले आहेत. या अपघातात दोन्ही वाहनांचे नुकसान झाल आहे. अपघात झाल्‍यानंतर आयआरबी पेट्रोलिंग, देवदूत यंत्रणा, बोरघाट वाहतूक पोलीस मदत करीत आहेत. अपघाताचा वाहतुकीवर परिणाम झालेला नाही.