सचिन कदम, साम टीव्ही
रायगड : राज्यात महायुतीचे सरकार स्थापन झाल्यानंतर मंत्री पदाची शपथ आणि खाते वाटप देखील झाले आहे. मात्र आता जिल्ह्यांचे पालकमंत्री पद कोणाला मिळणार याची प्रतीक्षा आहे. यामध्ये रायगड जिल्ह्याचा पालकमंत्री कोण? या वरून उघड नसली तरी छुप्या पद्धतीने रस्सीखेच सुरू असल्याचे नेत्यांच्या वक्तव्यावरून स्पष्ट होत आहे. जिल्ह्यातील दोन्ही मंत्र्यांनी याबाबत दावा केला आहे.
कोणत्या जिल्ह्याचे पालकमंत्री पद कोणाला मिळणार याची प्रतीक्षा आता आहे. दरम्यान राष्ट्रवादीच्या आदिती तटकरे आणि शिवसेनेचे भरत गोगावले यांच्या रूपाने रायगडला दोन कॅबिनेट मंत्री मिळाले आहेत. त्यामुळे रायगडमध्ये पालक मंत्री पदाची रस्सीखेच वाढली आहे. यामध्ये पालक मंत्री पदाच्या स्पर्धेत नसलेला मित्र पक्ष भाजपचे आमदार महेश बालदी यांनी पालक मंत्री कोण? हे मुख्यमंत्री ठरवतील; अस बोलून आपली भुमीका स्पष्ट करीत पालक मंत्री पदाच्या वादातुन हात झटकले आहेत.
मागील पंचवार्षिकमध्ये तटकरेंना झाला होता विरोध
गेल्या पाच वर्षांपूर्वीपासून रायगडचे पालक मंत्री पद चर्चेत आहे. ठाकरे सरकारच्या काळात आदिती तटकरे या रायगडच्या पालक मंत्री होत्या. त्या वेळी रायगडमधील तीनही शिवसेना आमदारांनी आदिती तटकरे यांच्या पालक मंत्री पदाला विरोध केला होता. यामुळे यावेळी कोणाला पालकमंत्री पद मिळणार याची प्रतीक्षा आहे.
शिवसेना, राष्ट्रवादीचा दावा
रायगडच्या पालक मंत्री पदासाठी रस्सीखेच नाही; अस म्हणत शिवसेना आणि राष्ट्रवादीचे मंत्री पालक मंत्री पदाचा दावा करीत आहेत. याबाबतचा निर्णय मुख्यमंत्री आणि दोन उपमुख्यमंत्र्यांच्या अंगावर टाकत असले, तर दावे प्रतिदाव्यांच्या वातावरणात रायगडच्या पालकमंत्री पदाची उत्सुकता शिगेला पोहचली आहे.
दक्षिण रायगडमध्ये झळकले गोगावले यांचे बॅनर
मंत्रिमंडळातील खातेवाटप नंतर आता रायगडमध्ये पालकमंत्री पदाचा पेच निर्माण झाला आहे. मंत्री आदिती तटकरे आणि मंत्री भरत गोगावले यांच्या रुपाने रायगडला दोन कॅबिनेट मंत्री मिळाले असून आता नेमका पालक मंत्री कोण होणार यावरून रस्सीखेच पहायला मिळत आहे. नेत्यांच्या वक्तव्यानंतर आता गोगावले समर्थकांनी दक्षिण रायगडमध्ये फिक्स पालकमंत्री अशा आशयाचे भरत गोगावले यांचे बॅनर ठिकठिकाणी लावले आहेत. या बॅनरमुळे महायुतीत मित्र पक्ष म्हणून सत्तेत असलेल्या शिवसेना आणि राष्ट्रवादीमध्ये पुन्हा एकदा वाद निर्माण होण्याची शक्यता निर्माण झाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.