रायगड : रायगडमध्ये एक धक्कादायक घटना समोर आली आहे. ती म्हणजे, माणगावच्या काळ नदी पात्रात उडी मारून एकाने आत्महत्या केल्याची घटना उघडकीस आली आहे. मुंबई-गोवा महामार्गावरील पुलावरून नदीत उडी मारून आपलं जीवन संपवलं आहे. लियाकत अली गंगरेकर (वय ७९) असं मृत व्यक्तीचं नाव असून माणगाव तालुक्यातील मोर्बा येथील रहिवासी आहे. आत्महत्या करण्यामागचं कारण अद्यापही अस्पष्ट आहे. माणगाव पोलीस घटनास्थळी दाखल झाले आहेत. दरम्यान, घटनास्थळी बघ्यांची मोठी गर्दी जमा झालीय.