राजेश भोस्तेकर

रायगड - रायगड Raigad जिल्ह्यातही गणेशोत्सवाचा Ganeshotsav उत्साह दिसून येत आहे. सकाळीच घरोघरी गणरायाचे आगमन झाले. गणेशमूर्ती घरी आणण्यासाठी चित्रशाळांमध्ये लहान थोर भाविकांनी गर्दी केली आहे. गणपती बाप्पा मोरयाच्या जयघोषात बाप्पाची मूर्ती घरी आणण्यात येते.

हे देखील पहा-

गणेशमूर्तीची प्रतिष्टापना करून तिची शोडशोपचारे पूजा अर्चा करण्यात येते. कोरोनाचे निर्बंध पाळत जिल्ह्यात मोठ्या उत्साही वातावरणात गणेशोत्सवाला सुरवात झाली आहे. लहान मोठ्यामध्ये उत्साहाचे वातावरण रायगड मध्ये दिसून येत आहे.

सलग दुसऱ्या वर्षीच्या कोरोनाच्या Corona Wave सावटात देखील  बाप्पाच्या पाहुणचारात काही कमी राहायला नको, यासाठी घरोघरी स्वागताच्या तयारीची लगबग पाहायला मिळते आहे. रायगडात या वर्षी सार्वजनिक व घरगुती 1 लाख 285 तर सार्वजनिक 285 गणेशमूर्तीची प्रतिष्ठापना करण्यात आली आहे. या वर्षी अगदी साधेपणात गणेशोत्सव साजरा होत असला तरी गणेशभक्तांचा आनंद मात्र तसूभरही कमी झालेला नाही.

Edited By-Sanika Gade