सचिन कदम, साम प्रतिनिधी

रायगडहून ऐरोलीला येणाऱ्या बसचा मोठा अपघात झाल्याची घडलीय. बस ५० फूट खोल दरीत कोसळलीय. पाचाड आणि कोंझर दरम्यानच्या घाटात हा अपघात झालाय. घाटात वळण घेत असताना चालकाच बसवरील नियंत्रण सुटलंय. सुदैवाने कोणतीच जीवितहानी झाली नाहीये.

आणखी एक अपघाताची घटना

माणगाव येथे एका भरधाव कारने दुचाकीस्वाराला चिरडल्याची घटना घडली. माणगावच्या कचेरी रोडवरील आपला बाजार समोर हा अपघात झाला. या अपघाताची दृश्ये सीसीटीव्हीमध्ये कैद झाली आहेत. आपला बाजार येथे खरेदीसाठी आलेले महिला आणि पुरुष दुचाकीवर बसले होते. ते खरेदी करून जाणार होते, त्याचवेळी मागून भरधावपणे आलेल्या कारने त्यांच्या दुचाकीला धडक दिली. यात दुचाकीवरील दोघेजण जखमी झाले आहेत. कार चालक अल्पवयीन मुलगी असल्याची माहिती समोर आलीय.

अशाच एका अपघातीची घटना नांदेडमध्ये घडलीय. एका कारने अनेकजणांना उडवल्याची घटना घडलीय. यात काहीजण जखमी झाले आहेत. शहरातील देगलूर नाका येथे एका कार चालकाने सुसाट कार चालवत अनेक गाड्यांना उडवलं. कारचा टायर फुटल्यानंतरही कार चालकाने तब्बल एक किलोमीटर कार पळवल्याची माहिती आहे. त्यानंतर ही गाडी काही नागरिकांनी शहरातील नमस्कार चौकात अडवली. विमानतळ पोलिसांनी तात्काळ घटनास्थळी धाव घेऊन दुर्घटनाग्रस्त कार ताब्यात घेतली आहे. आरोपीला मेडिकलसाठी पाठवण्यात आले आहे. चालक दारूच्या नशेत असल्याचेही माहिती मिळत आहे. आता या गाडीने किती जणांना उडवले याचा शोध पोलीस घेत आहेत.