MPSCचा निकाल लागला...आणि पुण्यातील रुममेट असणाऱ्या मित्रांच्या एका सक्सेस स्टोरीनं अनेकाचं लक्ष वेधलं... जिद्द, मेहनत आणि योग्य मार्गदर्शन असेल तर सामान्य घरातील मुलगाही प्रशासनात उच्च पदावर पोहोचू शकतो, याचे उत्तम उदाहरण म्हणजे कराडचा सुरज पडवळ...कारण अनिकेत आणि सूरज गाढवे या दोन मित्रांकडून प्रेरणा घेऊन सुरज पडवळनं यावेळी MPSCतून क्लास वन अधिकारी पद मिळवलयं..

विशेष म्हणजे, सुरजच्या यशामागे त्यांच्या रूममेट मित्रांची मोठी प्रेरणा आहे. त्यांच्या सर्व रूममेट मंडळींपैकी अनेक जण आता विविध सरकारी विभागात अधिकारी म्हणून काम करतायत...त्यातच सुरज गाढवे आणि अनिकेत साखरे या मित्रांनीही MPSCतून चांगलचं यश मिळवलयं...

मुळात "मित्र वनव्यामध्ये गारव्यासारखा" असायला हवा.. असं आपण नेहमीच म्हणतो... मात्र पुण्यातल्या या MPSC करणाऱ्या मित्रांची ही गोष्ट इतरांसाठी नक्कीच प्रेरणादायी ठरणारी आहे...रुममेट अधिकारी झाले आणि त्याच्या प्रेरणेतून सुरजनं आणखी मोठा पल्ला गाठत.. थेट क्लास वन अधिकारी पद मिळवलं...त्यामुळे जिद्द, मेहनत आणि मित्रांची साथ असेल तर कोणताही ध्येय अशक्य नाही, हेच या यशोगाथेतून सिद्ध होतं...