Ranjangaon Mahaganpati temple may remain closed for three months as per trust proposal. Saam tv
महाराष्ट्र

Ranjangaon: भीमाशंकरनंतर आता अष्टविनायक रांजणगाव महागणपती मंदिर बंद? काय आहे कारण?

Ranjangaon Mahaganpati Temple Close : भीमाशंकर मंदिराच्या पाठोपाठ, रांजणगाव महागणपती मंदिर तीन महिने बंद राहण्याची शक्यता आहे. नेमकं कोणत्या कारणामुळे मंदिर बंद ठेवण्यात येणार आहे हे ते जाणून घेऊ.

Bharat Jadhav

  • रांजणगाव महागणपती मंदिर बंद होण्याचा प्रस्ताव

  • तब्बल ३ महिने मंदिर बंद ठेवण्याची शक्यता

  • भीमाशंकरनंतर आणखी एक मोठा निर्णय

रोहिदास गाडगे, साम प्रतिनिधी

ज्योतिर्लिंग भीमाशंकरनंतर आता अष्टविनायकातील रांजणगाव महागणपती मंदिर तब्बल तीन महिने बंद ठेवण्यात येणार आहे. मंदिर बंद ठेवण्याचा प्रस्ताव ट्रस्टसमोर ठेवण्यात आला आहे. ज्योतिर्लिंग भीमाशंकरनंतर आता अष्टविनायकातील रांजणगाव महागणपती मंदिर काही दिवसांसाठी नव्हे तर तब्बल तीन महिने बंद ठेवण्याचा प्रस्ताव समोर आला आहे.

मंदिर बंद ठेवण्याचं कारण काय?

अष्टविनायक विकास आराखड्याअंतर्गत रांजणगाव महागणपती मंदिर परिसरात विविध विकासकामे हाती घेण्यात येणार आहेत. भाविकांच्या सुरक्षेच्या दृष्टीने ही कामे सुरू असताना मंदिर काही काळासाठी बंद ठेवण्याचा प्रस्ताव समोर आला आहे. विशेष म्हणजे, पुरातत्त्व विभागाकडून अंदाजे तीन महिने मंदिर बंद ठेवण्याचा प्रस्ताव मांडण्यात आला असून, यावर अंतिम निर्णय उद्याच्या बैठकीत होणार आहे.दरम्यान, गणेशोत्सवापूर्वी सर्व विकासकामे पूर्ण करण्याचा प्रशासन आणि देवस्थान ट्रस्टचा मानस असल्याची माहिती समोर येत आहे.

अष्टविनायक मंदिराचा विकास आराखड्यास मान्यता देण्यात आली होती. रांजणगाव गणपती या मंदिराचा समावेश आरखड्यात करण्यात आला आहे. यात मंदिराची दुरुस्ती आणि परिसर व्यवस्थापन इत्यादी कामांचा समावेश करण्यात आला आहे. महागणपती मंदिरातील आवार, गाभारा आणि मंदिरासभोवतीची दगडी फरसबंदी, नगारखान्याचे काम करण्यात येणार आहेत. ही बांधकामे मंदिर सुरू ठेवून करता येणं अवघड आहे.

तसेच ही कामे वेळेत पूर्ण करणे आणि पर्यटकांना आणि भाविकांना काही इजा होऊ नये, यासाठी मंदिर पूर्णपणे बंद ठेवून विभागाच्या ताब्यात देणं गरजेचे असल्याचं पत्रात पुरातत्त्व विभागाने म्हटलंय.

भीमाशंकर मंदिर ३१ मेपर्यंत बंद

याआधी पुण्यातील ज्योतिर्लिंग भीमाशंकर मंदिरदेखील बंद करण्यात आले आहे. पुणे जिल्हा प्रशासनाने प्रसिद्ध तीर्थक्षेत्र भीमाशंकर मंदिराचे पुनरुज्जीवन करण्यासाठी आणि भाविकांची सुरक्षा सुनिश्चित करण्यासाठी एक महत्त्वाचा निर्णय घेतला आहे. जिल्हाधिकारी जितेंद्र दुडी यांनी दिलेल्या अधिकृत माहितीनुसार, ज्योतिर्लिंग श्री क्षेत्र भीमाशंकर मंदिर ९ एप्रिल ते ३१ मे पर्यंत भाविकांच्या नियमित दर्शनासाठी पूर्णपणे बंद ठेवण्यात आले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

बिबट्याला पकडताना आमदार चंद्रकांत पाटलांची स्टंटबाजी|VIDEO

पाकिस्ताननं फिरवला भिकेचा कटोरा, बुडत्या पाकला उधारीचा आधार

तरुणांच्या लग्नात भूकंपाचं विघ्न, 200 लग्नाळू तरुणांना मुलगी मिळेना

Amboli Ghat accident : आंबोली घाटात भयंकर अपघात, ट्रकच्या धडकेत दुचाकीचा चुराडा, बापाच्या डोळ्यासमोर लेकीचा मृत्यू

युद्धभूमीवर शत्रूविरोधात AIचा वापर, तेहरानवरील हल्ल्यांमागे AI चा सल्ला

SCROLL FOR NEXT