अक्षय बडवे

पुणे : पुण्यातील विश्रांतवाडी भागात धक्कादायक घटना समोर आली आहे. शिक्षणाच्या माहेर घरात जादूटोण्याचे खेळ सुरू (Pune) असल्‍याचे पहावयास मिळाले आहे. यात सॉफ्टवेअर इंजिनिअर असलेल्‍या तरूणाला जादूटोण्यात (witchcraft) अडकवून २८ लाख रूपये लुटल्‍याचा प्रकार समोर आला आहे. (Latest marathi News)

मिळालेल्या माहितीनुसार हा सर्व प्रकार पुण्यातील एका नामांकित कंपनीमध्ये काम करणाऱ्या सॉफ्टवेअर इंजिनियर यांच्या संदर्भात घडला. घरात विघ्न आले आहे. घरातील समस्या दूर करण्यासाठी धार्मिक विधी कराव्या लागतील. तसेच शारीरिक दोष दूर करण्यासाठी जादूटोणा करावा लागेल; असे सांगून पत्नीच्या भावानेच त्या तरुणाला तब्बल २८ लाखांना गंडा घातला आहे.

अन्‌ सोने घेऊन झाला पसार

फिर्यादी हे एका कंपनीत सॉफ्टवेअर इंजिनिअर आहेत. त्यांना घरात काही समस्या जाणवत होत्या. त्याचाच गैरफायदा घेत पत्नीच्या भावाने ओळखीचा एक ज्योतिष असल्याचे सांगत त्यांना बोलून घेतले. त्या ज्योतिषने फिर्यादी यांच्या हस्तरेषा बघुन कणकेचे पुतळे तयार करून लाखो रुपयांचे सोने चढवून मठात पूजा करावे लागेल; अशी बतावणी करून ते सोने घेऊन पसार झाला. याप्रकरणी विश्रांतवाडी पोलिस ठाण्यात गुन्हा दाखल केला असून अधिक तपास सुरू आहे.