अक्षय बडवे 
पुणे : मोहम्मद पैगंबर जयंतीनिमित्त जुलूस (मिरवणूक) काढण्यात आला होता. यावेळी रथावर चढून झेंडा फिरवणाऱ्या दोन तरुणांचा विजेचा जोरदार धक्का लागल्याची घटना घडली होती. यात एका तरुणाचा जागीच मृत्यू झाला होता. तर दुसऱ्या तरुणाचा उपचारादरम्यान दुपारी मृत्यू झाल्याची दुर्दैवी घटना घडली आहे. 

पुण्यातील (Pune) वडगाव शेरी परिसरात आज सकाळी साडे अकराच्या पैगंबर जयंतीच्या निमित्ताने जुलूस काढण्यात आला होता. यावेळी साऊंड सिस्टीमवर उभा राहून दोन तरुण झेंडा फिरवत होते. दरम्यान, झेंडा फिरवताना त्या ठिकाणाही असलेल्या उच्चदाब विजेच्या तारांना झेंडा लागला आणि त्याचा झटका या दोघा तरुणांना बसला. (Electric Shock) विजेचा जोरदार शॉक लागटाच काही क्षणातच ते जमिनीवर कोसळले. यापैकी एका तरुणाच्या जागीच मृत्यू झाला.  

दुसऱ्याचाही मृत्यू 

घटनेची माहिती मिळताच पोलिसांनी घटनास्थळी धाव घेतली. या घटनेतील जखमी तरुणाला लागलीच रुग्णालयात दाखल करण्यात आले होते. मात्र त्याचा देखील उपचारादरम्यान दुपारी मृत्यू झाला, जकरिया बिलाल शेख आणि अभय वाघमारे अशी या घटनेत मृत झालेल्या दोन्ही तरुणांचे नवे आहेत.