रोहिदास गाडगे

Pune Crime News: पुणे शहर तसेच गाव परिसरात देखील हाणामारीच्या घटनांचे प्रमाण वाढत चालले आहे. पुण्यातल्या राजगुरुनगर परिसरात अशीच एक घटना घडली आहे.हॉटेलमध्ये दिलेली ऑर्डर उपलब्ध नसल्याने तीन टवाळ मित्रांनी तुफान राडा घातला आहे. यात त्यांनी हॉटेलचे नुकसान करत हॉटेल मालकासह अन्य दोघांनी बेदम मारहाण केली आहे. (Latest Pune News)

मिळालेल्या माहितीनुसार, राक्षेवाडीत बिर्याणी हाऊस येथे ही घटना घडली आहे. तीन टवाळ मित्र या हॉटेलमध्ये गेले होते. त्यावेळी त्यांनी सु्क्क चिकन ऑर्डर केलं. मात्र हॉटेलमध्ये सुक्क चिकन नव्हतं त्यामुळे ते मिळणार नाही असं वेटरणे सांगितलं. बिर्याणी हाऊसमध्ये येऊन सुक्क चिकन मिळणार नाही याचा त्या तीन मित्रांना खूप राग आला. त्यामुळे त्यांनी हॉटेलमालकाला या विषयी सांगितले.

मात्र सुक्क चिकन बनवण्यासाठी लागणारं चिकनचं हॉटेलमध्ये नव्हतं त्यामुळे हॉटेल मालकाने देखील नकार दिला. यावर तिन्ही मित्र खुप चिढले. त्यांनी बिर्याणी हाऊस मालकासह एकाला लोखंडी रॉडने बेदम मारहाण केली. तसेच शिवीगाळ करत हॉटेलचेही नुकसान केले. या घटनेमुळे संबंधित हॉटेल मालकाचे प्रचंड नुकसान झाले आहे. तसेच बेदम मारहाण केल्या प्रकरणी राजगुरुनगर पोलीसांत तिघांविरोधात गुन्हा दाखल करण्यात आलाय.