Pune : पुण्यासह राज्यातील बऱ्याच जिल्ह्यात जीबीएस (GBS) रुग्णांमध्ये वाढ होण्याचं प्रमाण वाढताना दिसत आहे. पुण्यात आज जीबीएसमुळे ८ रुग्णांचं निदान झालं आहे. तर एका रुग्णाचा मृत्यू झाला आहे. उत्तम ज्ञानोबा पवार (वय ३७) असं मृत रुग्णाचं नाव आहे तो वाहनचालक म्हणून व्यवसाय करत होता.

पुण्यात आज जीबीएस व्हायरसच्या ८ नव्या रुग्णांची नोंद करण्यात आली आहे. आपर्यंत एकूण १९२ जीबीएस रुग्णांची नोंद आता करण्यात आली आहे. यापैकी ३९ रुग्ण पुणे, ९१ रुग्ण हे पुणे मनपात समाविष्ट गावातील आहेत, तर २९ रुग्ण पिंपरी-चिंचवड मनपामधील, तर २५ रुग्ण पुणे ग्रामीण आणि ८ इतर जिल्ह्यातील आहेत.