पुणे : पेट्रोल वाहतूक करत असलेल्‍या टँकरमधून डिझेल व पेट्रोलची चोरी करून त्‍याची विक्री केली जात होती. अशी (Pune News) टोळी सक्रीय झालेली असताना पुण्याच्‍या हडपसर (Hadapsar) पोलिसांनी कारवाई करत ४ आरोपींना ताब्‍यात घेतले आहे. (Latest Marathi News)

पुण्यात पेट्रोल डिझेल चोरी प्रकरणी हडपसर पोलिसांच्या कारवाई केली आहे. अवैधरीत्या पेट्रोल चोरी करणारी टोळी सक्रीय झाली होती. या टोळीतील सदस्‍य पेट्रोलच्या टँकरमधून पेट्रोल चोरी करून बाहेर कमी दरात विकत होते. याबाबतची माहिती पोलिसांना मिळाली होती. त्‍यानुसार पोलिसांनी कारवाई करत पेट्रोलची (Petrol) तस्करी करणाऱ्या टोळीला बेड्या ठोकल्‍या आहे.

सव्‍वा दोन कोटीचा मुद्देमाल जप्‍त

हडपसर पोलिसांनी केलेल्‍या कारवाईत २ कोटी २८ लाखांचा मुद्देमाल पोलीसांकडून जप्त केला आहे. यात हवाई इंधनाचे ८ टँकरसह, प्‍लास्‍टीकच्‍या कॅन, नळी असा मुद्देमाल जप्त केला आहे. तसेच ४ आरोपींना देखील अटक केली आहे.