Pune Crime News: पुणे जिल्ह्यात भोर तालुक्यातील नाटंबी गावातल्या एका घरातून चक्क ८० कबुतरांची चोरी करण्यात आलीये. कबुतरांसह घरातून सोन्याचे दागिने, १६ हजार रुपयांची रोकड चोरट्यांनी लंपास केली आहे. (Latest Marathi News)

भोर तालुक्यातील आंबवडे खोऱ्यातील नाटंबी येथे ही घटना घडली आहे. १८ जुलैच्या मध्यरात्रीपासून ते २० जुलै रोजी पहाटेपर्यंत चोरट्यांनी (Theft) सर्व सामान लंपास केलंय. याबाबत फिर्यादीने २२ जुलै रोजी भोर पोलिस ठाण्यात फिर्याद दाखल केली होती. त्यानूसार पोलिसांनी अज्ञात चोरट्यांविरोधात गुन्हा दाखल केला आहे.

पोलिसांनी दिलेल्या माहितीनुसार, १५ जुलैला फिर्यादी यांच्या घरातून लॅब जातीचा पांढऱ्या रंगाचा कुत्रा चोरून नेला आणि १८ जुलै रोजी रात्री घरातील कपाटातील सोन्याचे मंगळसूत्र आणि रोकड चोरीला गेली.

याशिवाय घराच्या बाजूला असलेल्या कबुतरांच्या ढाबळीतील शिराजीत, चुडीदार, पायनुस, रेसर, पहाडी-शिराजी अशा वेगवेगळ्या जातीची कबूतरे १२५ कबुतरे चोरली आहेत. या प्रकरणी भोर पोलिस अधिकचा तपास करीत आहेत.