(रोहिदास गाडगे)

Kukdi dam Water Crisis:

पुणे आणि अहमदनगर जिल्ह्यातील नागरिकांच्या चिंता वाढवणारी बातमी समोर आलीय. कुकडी प्रकल्पातील आठ धरणांच्या पाणी पातळीत घट झालीय. त्यामुळे पुढील काळात पाणी नियोजन व्यवस्थित व्हायला हवं अन्यथा पुढील काळात मोठ्या दुष्काळी परिस्थितीचा सामना करावा लागणार आहे. (Latest News)

कुकडी प्रकल्पातील (Kukadi Project) ८ धरणांच्या पाणी पातळीत विक्रमी घट झाली आहे. मागील वर्षाच्या तुलनेत जानेवारीपर्यत १७ टक्क्यांनी पाणीसाठ्यात घट होऊन सरासरी ७० टक्के पाणीसाठा शिल्लक राहिलाय. यामुळे पुणे आणि अहमदनगर जिल्ह्यातील शेती (Agriculture) आणि पिण्याच्या पाण्याचे (Water) संकट निर्माण होण्याची शक्यता आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कुकडी प्रकल्पातील येडगाव,माणिकडोह,वडज,पिंपळगाव जोगे,डिंभे,विसापूर,चिल्हेवाडी,घोड या ८ धरणातून पाणी नियोजन केलं जातं, मात्र यंदा पाऊस कमी प्रमाणात झाल्याने पाणी टंचाईची समस्या निर्माण होणार आहे. डिंसेबरपासूनच कुकडी प्रकल्पातील पाण्याचा विसर्ग कालव्यातून सुरू झालाय. त्यातच वातावरणातील तापमानमुळे पाण्याचे बाष्पीभवन होत आहे, त्यामुळे धरणांतील पाण्याची पातळी झपाट्याने कमी होत आहे. यामुळे पुढील काळात पाणी नियोजन व्यवस्थित व्हायला हवं, अन्यथा पुढील काळात मोठ्या दुष्काळी परिस्थितीचा सामना करावा लागणार आहे.

कुकडी प्रकल्पातील आठ धरणांचा पाणीसाठा

• येडगाव, :- ८२.५४

• माणिकडोह, :- ५५.६२

• वडज, :- ८६.५०

• पिंपळगाव जोगे, :- ६७.०२

• डिंभे, :- ८३.९३

• विसापूर, :- ५२.४४

• चिल्हेवाडी, :- ९५.७६

• घोड - ८४.३४