Tulja Bhavani Mandir : तुळजापूर येथील श्री तुळजाभवानी देवीच्या अभिषेक पुजेचे शुल्क ५० वरुन तब्बल ५०० रूपयांवर करण्यात आले आहेत. या निर्णयाची येत्या सोमवारपासून (ता.10 जूलै) अंमलबजावणी होणार आहे. (Maharashtra News)

श्री तुळजाभवानी देवीचे दर्शन घेण्यासाठी देश-विदेशातून भाविक (devotees) येत असतात. या मंदिर (Tuljabhavani Temple) व्यवस्थापनाची नुकतीच बैठक झाली. या बैठकीत भाविकांकडून केल्या जाणा-या अभिषेक पूजेचे शुल्क वाढविण्याचा सर्वानुमते निर्णय झाला. यामध्ये अभिषेक पूजेचे शुल्क ५० वरुन तब्बल ५०० रूपयांवर केले गेले.

तसेच विश्वस्त कोट्यातील व्हिआयपी दर्शनासाठी प्रति व्यक्ती २०० शुल्क आकारण्याचा निर्णय देखील घेण्यात आला आहे.

या निर्णयाला पुजाऱ्यांनी विरोध दर्शविला आहे. पुजाऱ्यांच्या शिष्टमंडळाने निर्णय रद्द करावा यासाठी जिल्हाधिकारी तथा मंदीर संस्थानचे अध्यक्ष डॉ. सचिन ओम्बासे यांच्याकडे मागणी केली आहे. डाॅ. ओम्बासे पुजा-यांचा मागणीचा विचार करणार की येत्या सोमवारपासुन निर्णयाची अंमलबजावणी हाेणार हे पाहावे लागणार आहे.

Edited By : Siddharth Latkar