बीड : भाजप खासदार प्रीतम मुंडे यांनी आज थेट एसटीच्या कॅबिनची पाहणी केली आहे. यावेळी पाहणी करत असताना त्यांनी एसटीला आलेल्या अवकळेचा बुरखाच फाडला आहे. अशा एसटी मध्ये प्रवास करत असताना, चालक वाहनांसह एसटी मध्ये प्रवास करणाऱ्या सर्वांचे आयुष्य धोक्यात आहे हे अतिशय अक्षम्य दुर्लक्ष आहे, अशी टीका देखील यावेळी प्रीतम मुंडे यांनी सरकारवर केली आहे.

हे देखील पहा-

त्या म्हणाल्या, की कर्मचाऱ्यांसह आज एसटीची स्थिती भयंकर वाईट झाली आहे. यामुळे मी व्यथित झाले आहे. आज वाईट वाटते, की या अगोदर या प्रश्नांकडे आपलं का लक्ष गेलं नाही? कदाचित आमचे सरकार असताना याकडे आमचे लक्ष गेले असते, तर कदाचित परिस्थिती यापेक्षा वेगळी झाली असती.

आज बसमध्ये आल्या आल्या मी विचारले, की ही बस चालू परिस्थितीमधील बस आहे का? कारण भंगारमध्ये असल्यासारखी परिस्थिती या बसची आहे. असे म्हणत त्यांनी एसटीच्या कॅबिन मधील अवकळा दाखवून, या दुरावस्थेतचा बुरखा फाडला आहे. दरम्यान थेट एसटीच्या कॅबिनमधून खासदार प्रीतम मुंडे यांनी पाहणी केली आहे.

Edited By- Digambar Jadhav