- तबरेज शेख

नाशिक : एक महिन्यांपुर्वी पुण्यातील येरवडा कारागृहातून नाशिकला (Nashik) आणलेल्या कैद्यांनी येथील कारागृहात पाेलिस कर्मचा-यांवर हल्ला केला. या हल्ल्यात पाेलिसांना जिवे मारण्याचा प्रकार घडल्याने एकच खळबळ उडाली. (Nashik Latest Marathi News)

नाशिकच्या मध्यवर्ती कारागृहातील धक्कादायक प्रकार समोर आला आहे. या कारागृहातील पोलीस कर्मचारी सुरक्षित नसल्याचे दिसून येत आहे. सुमारे दहा ते बारा कैद्यांनी पाेलिस कर्मचा-यांवर जीव घेणा हल्ला केला आहे.

हल्ला करणारे कैदी हे यापुर्वी येरवडा कारागृहात हाेते. त्यांना नाशिकच्या मध्यवर्ती कारागृहात ठेवण्यात आलं आहे. या कैद्यांनी केलेल्या हल्ल्यात प्रभूचरण पाटील हे पोलीस कर्मचारी गंभीर जखमी झाले आहेत.

दरम्यान या हल्ल्यात जखमी झालेल्या पोलीस कर्मचाऱ्यांनी साम टीव्हीशी बाेलताना त्यांची कैफियत मांडली. तसेच शासनाला हात जोडून सुरक्षिततेविषयी गांभीर्यानं मागणी पुर्ण करण्याचे आवाहन केलं.

Edited By : Siddharth Latkar