कोविड सेंटरमधील खिडकीचे गज कापून कैद्याचे पलायन! राजेश भोस्तेकर
महाराष्ट्र

कोविड सेंटरमधील खिडकीचे गज कापून कैद्याचे पलायन!

या घटनेमुळे परिसरात एकच खळबळ उडाली आहे. अलिबाग पोलीस फरार कैद्याचा शोध घेत आहेत. पोलिसांनी सगळीकडे नाकेबंदी केली आहे.

ब्युरो रिपोर्ट, साम टीव्ही, मुंबई

राजेश भोस्तेकर

रायगड : अलिबाग तालुक्यातील गाेंधळपाडा नेहुली येथील क्रीडा संकुलात तात्पुरत्या स्वरूपात सुरु करण्यात आलेल्या कोविड सेंटरमधून खिडकीचे गज कापून मध्यरात्री कैदी फरार झाल्याची घटना घडली आहे.

या घटनेने कारागृह प्रशासन आणि अलिबाग पाेलिसांची पुरती झाेप उडाली आहे. देवा मारुती दगडे वय वर्षे-24 असे पलायन केलेल्या कैद्याचे नाव आहे. पोस्को कायद्याअंतर्गत गुन्ह्यात हा कैदी अलिबाग जिल्हा कारागृहात आपली शिक्षा भोगत आहे. कोरोना संसर्ग झाल्यामुळे सध्या नेहुली येथील कोविड सेंटरमध्ये उपचारार्थ त्याला दाखल करण्यात आले होते.

कोरोनाचा संसर्ग वाढल्याने अलिबाग येथील जिल्हा कारागृहातील सुमारे सत्तर कैद्यांची कोरोनाची चाचणी आठवड्यापूर्वी केली होती. या चाचणीत 68 जणांना कोरोना लागण झाली होती. काेराेना कालावधीत कैद्यांना थेट अलिबाग येथील जिल्हा कारागृहात न ठेवता आधी नेहुली येथील क्रीडा संकुलात तात्पुरत्या उभारलेल्या कारागृहात ठेवण्यात येते. फरार देवा मारुती दगडे यालाही कोरोनाची लागण झाली असल्याने तो आठ दिवसापासून उपचार घेत होता.

पोलादपूर पोलीस स्टेशनच्या हद्दीत कलम ३६३, ३६६, ३७६, ३२३, ३ अ/४.५ (१) (एन) ६ पाॅस्को अंतर्गत त्याच्यावर गुन्हा दाखल आहे. दगडे याला १६ जानेवारी २०१८ मध्ये अटक करण्यात आली होती. १९ जानेवारी २०१८ पासून दगडे हा अलिबाग जिल्हा कारागृहात दाखल होता. २० जुलै रोजी रात्रीच्या सुमारास कारागृहाच्या खिडकीचे गज कापून दगडे त्याने पलायन केले. या आरोपीचे शिक्षण बारावी पर्यंत झालेले आहे. व्यवसायाने दगडे हा वाहन चालक आहे. फरार आरोपीचा शोध पोलिसांकडून सुरू आहे. कोणासही त्याच्याबद्दल माहिती मिळाल्यास अलिबाग पोलीस ठाण्याला संपर्क साधावा असे आवाहन पोलिसांकडून करण्यात आले आहे.

दरम्यान, गज कापण्यााठी कैद्याकडे हत्यार कसे आले? पहाटे २ च्या सुमारास गज कापत असताना पहारेकरी काय करत हाेते. त्याच्या साेबत या कृत्यात अन्य काेणी सामील आहे का याचाही तपास पाेलिस करत आहेत.

Edited By : Krushnarav Sathe

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Lemon Coriander Soup Recipe: घरी बनवा चविष्ट आणि हेल्दी लिंबू कोथिंबीरचे सूप

Kheer Recipe : शेवयांची खीर नेहमी खाता, हिवाळ्यात ट्राय करा 'या' पदार्थाची खीर

Maharashtra Live News Update: १ डिसेंबरपासून राज्यात थंडी वाढणार, २ ते ३ अंश सेल्सियसने तापमानात घट होणार

State Cultural Award : राज्य सांस्कृतिक पुरस्कार जाहीर; कोणाकोणाचा होणार सन्मान? वाचा सविस्तर यादी

ZP Election: जिल्हा परिषद निवडणुका २ टप्प्यात होणार? १७ ठिकाणी आरक्षणाचा तिढा

SCROLL FOR NEXT