Latur Crime News : एखाद्याला खल्लास केल्याशिवाय माझ्या वडिलांच्या आत्म्याला शांती वाटणार नाही असे म्हणत एका युवकानं दुस-या युवकास (youth) मारहाण करुन जीवे मारण्याची धमकी दिल्याची घटना लातूर जिल्ह्यात घडली. याप्रकरणी दोघांविरुद्ध येळनूर पोलिसांनी (police) गुन्हा दाखल केला आहे. (Breaking Marathi News)

ही घटना लातूर जिल्ह्यातील निलंगा तालुक्यातील येळनुर येथे घडली. या मारहाण प्रकरणी विक्रम करण सोळुंके याने पाेलीस ठाण्यात तक्रार दिली. आकाश अनिल साळुंके यांच्या वडिलांच्या खून प्रकरणात त्याला अटक झाली होती. विक्रम हा जामिनावर सुटून गावी आलेला होता.

कृषी विभागाचे कर्मचारी गावामध्ये अतिवृष्टीने नुकसान झालेल्या शेतकऱ्यांची यादी घेऊन आले होते. त्यांनी आधार कार्ड घेऊन येण्यास सांगितल्यामुळे फिर्यादी विक्रम हा घरी जाऊन आधार कार्ड घेऊन गावातील मारुती मंदिर जवळ आला. (Latur Latest Marathi News)

तिथे आकाश अनिल साळुंखे आणि त्याचे काही मित्रही होते. विक्रमला पाहताच आकाश संतापला व त्याने शिवीगाळ करत त्याला लाथा बुक्क्याने काठीने मारहाण केली. तसेच एखाद्याला खल्लास केल्याशिवाय माझ्या वडिलांच्या आत्म्याला शांती वाटणार नाही असे म्हणत जीवे मारण्याची धमकी दिली. याप्रकरणी दोघांविरुद्ध पोलिसांनी गुन्हा दाखल केला आहे.

Edited By : Siddharth Latkar