राज्यात १९ जूनपासून पोलीस भरती सुरु होत आहे. महाराष्ट्र पोलीस दलातील १७ हजार ४७१ जागांसाठी ही भरती होत आहे.

त्यासाठी १७ लाख ७६ हजार २५६ अर्ज प्राप्त झाले आहेत. पोलीस भरतीसाठी शारीरिक चाचणीसोबत लेखी परीक्षेचा देखील अभ्यास करावा लागतो.

शारीरिक आणि लेखी परीक्षा १५० गुणांची असते. यामध्ये ५० गुणांसाठी शारीरिक चाचणी आणि १०० गुणांसाठी लेखी परीक्षा असते.

अंमलदारपदासाठी १९ ते २२ जून दरम्यान होणार आहे. तर २४ ते २६ जून दरम्यान चालकपदासाठी चाचणी होणार आहे.

मैदानी चाचणीसाठी ५० गुणांची परीक्षा होणार आहे. यात ५० टक्के मिळणारे पात्र ठरणार आहे.

लेखी परीक्षा २८ जूननंतरपासून सुरू होईल. लेखी परीक्षा १०० गुणांची आहे.

छत्रपती संभाजीनगरमध्ये मुख्यालयामागील मुकुल मैदानात ग्रामीण पोलीस विभागाची मैदानी चाचणी होणार आहे. सोळाशे आणि आठशे मीटर धावण्याची परीक्षा चाचणी शेंद्रा एमआयडीसीमध्ये होणार आहे.