सरपंच हत्येप्रकरणाला जसजसे दिवस लोटू लागलेत. तसतसे य़ा हत्या प्रकरणात धक्कादायक खुलासे होऊ लागलेत. आता सरपंच संतोष देशमुख यांना हालहाल करुन मारतांनाचे 15 फोटो आणि 3 व्हिडीओ व्हायरल केल्याचा मोठा खुलासा पोलिस तपासात समोर आल्याचं सुत्रांनी सांगितलंय. यामुळे मारेकऱ्यांचा निर्दयीपणा देखिल उघड झालाय. संतोष देखमुखांना मारतांना त्यांचे हालहाल करतांनाचे फोटो आणि व्हिडीओ सोशल मिडीयावर शेअर करण्यात आले असून ते मिळवण्यात पोलिसांना यश आलंय. हे फोटो आणि व्हिडीओ आरोपींच्या विरोधातील एक मोठा पुरावा आहेत. या 15 फोटोमध्ये आणि 3 व्हिडीओत नेमकं काय आहे पाहुया..

सरपंचाची हत्या कॅमेऱ्यात कैद

आरोपी जयराम चाटे देशमुखांच्या अंगावरील शर्ट ओरबाडत जोरजोरात हसू लागला

मारहाणीनंतर जयराम चाटेनं सरपंचांना निर्वस्त्र केलं

देशमुखांना निर्वस्त्र करतांना आरोपी केदार हसत सेल्फी काढत होता

अर्धमेल्या अवस्थेतील देशमुखांच्या अंगावर आरोपी प्रतिक घुलेने लघुशंका केली

आरोपी घुले हैवानी आवेशात देशमुखांशेजारी उभा राहुन फोटो काढतो

देशमुखांना शिव्या देत आरोपीने लाथाबुक्क्या आणि पाईपने मारहाण केली

मारहाणीमुळे देशमुखांच्या शरीरातील रक्त तळपायापर्यंत ओघळल्याचं समोर

अमानुष मारहाण करुन वाल्मिक कराडच्या गँगनं याच हैवानी कृत्याचे फोटो आणि व्हिडीओ मोकारपंथी या ग्रुपवर शेअर केले आणि त्याच व्हॉट्सअप ग्रुपमधील इतर टवाळखोरांनी त्याचा यादुष्टांच्या या कृष्णकृत्याचा आनंद लुटल्याचं सुत्रांनी सांगितलंय. कराड आणि त्यांच्या गँगनं इतकं राक्षसी कृत्य करुन देखिल वाल्मिक कराडला वाचवण्याचा प्रयत्न होत असल्याचा आरोप अंजली दमानियांनी केलाय. पोलिसांनी तयार केलेल्या चार्जशीटमध्ये कराडसाठी पळवाटा असल्याचं म्हणत त्यांनी संपुर्ण चार्जशीटवर प्रश्न उपस्थित केलेत.

त्यांनी आपल्या ट्विटमध्ये नेमकं काय म्हटलंय पाहुया.