बुलडाणा : राजकीय वर्तुळात खळबळ माजवणारी बातमी समोर आली आहे. पोळा सणाच्या दिवशी (Pola Festival) दोन गटांत दगडफेक झाल्याच्या घटनेनंतर खामगावचे भाजप आमदार आकाश फुंडकर यांनी पोलिसांच्या भूमिकेवर प्रश्नचिन्ह उपस्थित केले होते. त्यावेळी फुंडकर यांनी खामगाव शहरात बंद पाळण्याचे आवाहन केलं होतं. या आवाहनाला प्रतिसाद देऊन कार्यकर्त्यांनी बाईक रॅली काढून पोलिसांचा निषेध केला होता. याप्रकरणी खामगाव शहर पोलिसांनी आमदार आकाश फुंडकर (Akash Fundkar) यांच्यासह २८ कार्यकर्त्यांवर गुन्हा दाखल केला आहे. (BJP mla Akash Fundkar latest news update )

मिळालेल्या माहितीनुसार, खामगाव शहरातील बोरिपूरा परिसरात दोन गटात पोळा सणाच्या दिवळी दगडफेक झाली होती. या हाणामारीच्या घटनेवेळी खामागावचे भाजप आमदार आकाश फुंडकर उपस्थित होते. पोळा सणाच्या दिवशी बोरिपूरामध्ये दोन गटात दगडफेक झाली होती. या घटनेनंतर फुंडकर यांनी पोलिसांच्या भूमिकेवर प्रश्नचिन्ह उपस्थित केले होते. पोलिसांचा निषेध करण्यासाठी आमदार फुंडकर यांनी खामगाव शहरात बंद पाळण्याचे आवाहन केले होते.

त्यानंतर खामगाव शहरात बंद पाळण्यात आला होता. याच दरम्यान फुंडकर यांच्या नेतृत्वात बाईक रॅली काढण्यात आली होती. ही रॅली पोलीस स्टेशन समोर थांबवून पोलिसांविरोधात घोषणाबाजीही करण्यात आली होती. याच पार्श्वभूमीवर पोलिसांनी धडक कारवाई करत आमदार आकाश फुंडकर यांच्यासह २८ कार्यकर्त्यांवर खामगाव शहर पोलिसांत गुन्हा दाखल केला आहे.

Edited By - Naresh Shende